Diamanten gir ei lys og moderne ramme for kurs, møte og konferansar med opptil 110 personar. Store vindauge slepper dagslyset og naturen inn, medan lune materialar og god takhøgd gir rommet ei open og behageleg kjensle. Fleksibelt oppsett og moderne AV-utstyr gjer det enkelt å tilpasse samlinga etter behov. På veggane tilfører kunsten til Vebjørn Sand karakter og inspirasjon – i eit møterom skapt for gode samtalar, nye perspektiv og større samlingar.

Lingebakken er ein økologisk frukt- og bærgard i Valldal, med røter tilbake til 1860-talet og driven av sjette generasjon. Her står handverk, berekraft og gode smakar i sentrum.

For kurs- og konferansegrupper tilbyr Lingebakken ei sosial og smakfull oppleving. De kan bli med på omvising i frukthagen, lære om siderproduksjonen og nyte smaking av eigenpressa eplemost og sider, servert med lokale ostar. Ei oppleving som gir eit verdifullt avbrekk – og styrkjer fellesskap og gode samtalar.